Wania SiddiquiNaats ka junoon aur ishq-e-Rasool ﷺ ka izhar har daur mein musalmano kay dilon ko roshan karta aaya hai. Aisi hi eik rooh parwar aur jazbaat se bharpoor naat hai “Huzoor Meri Tou Sari Bahar Aap Se Hai”, Muhammad Zohaib Qadri ki khubsurat aawaz mein Koyal par moujood hai.
“Huzoor Meri Tou Sari Bahar Aap Se Hai” eik aisi naat hai jo sirf alfaaz ka majmua nahi, balkay muhabbat-e-Rasool ﷺ ka zinda saboot hai. Is naat kay har misray mein Nabi-e-Pak ﷺ ki shaan aur unki rehmat ka zikr hai. Jab Zohaib Qadri apni purnoor awaaz mein ye alfaaz parhte hain:
“Huzoor Meri Tou Sari Bahar Aap Se Hai
Main Beqarar Tha, Mera Qarar Aap Se Hai
Meri To Hasti Hi Kya Hai Mere Gareeb Nawaz
Jo Mil Raha Hai Mujhe, Sara Pyar Aap Se Hai”
Toh sunnay wale ka dil roohani sukoon se bhar jata hai. Yeh alfaaz musalmanon kay us jazbay ki akasi karte hain jo sirf aur sirf Ishq-e-Rasool ﷺ se jura howa hai. Is naat ka har misra Ishq aur shukriya ka izhar hai. Ye misray insaan ko uskay asal waqaar aur asal zariya-e-najat ki taraf le jate hain. Zindagi ka har inaam, har sukoon, har barkat Nabi ﷺ ki shafqat aur rehmat se hi hai. Naat ka eik aur gehra pehlu hai nadamat aur tobah ka izhar hein.
“Siya Kaar Hoon Aaqa, Badi Nadamat Hai
Qasam Khuda Ki Ye Mera Waqar Aap Se Hai”
Yeh alfaaz rooh ko hila dete hain. Yeh misray insaan ko uskay gunaah yaad dilate hain, magar sath hi Nabi ﷺ ki shafa’at ka paigham dete hain. Har sunnay wala apni kamzori ko samajhta hai aur saath hi Rasool ﷺ ki rehmat se umeed bhi rakhta hai. Kalam kay alfaaz humein yaad dilate hain kay Nabi ﷺ ki muhabbat aur unka karam insaaniyat par bepanah hai. Muhammad Zohaib Qadri ne is hissay ko jis jazbay kay sath parha hai, wo sunnay walon kay dilon ko roohani roshni se bhar deta hai. Yeh kalam sun kay aisa lagta hai jaise insaan apni rooh kay gehray jazbaat Allah kay Habib ﷺ kay samne rakh raha ho.
Muhammad Zohaib Qadri ki aawaz mein khasiyat hai kay woh naat sirf parhte nahi, balkay usse roohani safar bana dete hain. Unka lehja, unka talafuz, aur jazbaat bhari aawaz sunnay walay ko sirf sunnai nahi deti, balkay mehsoos karwati hai kay woh Madina ki galiyon mein khara hai aur Huzoor ﷺ ki muhabbat uskay dil ko bhar rahi hai. Muhammad Zohaib Qadri ki yeh Naat “Huzoor Meri Tou Sari Bahar Aap Se Hai” ab Koyal App par asaani se suni ja sakti hai.
Koyal App sirf eik music platform nahi, balkay yeh Pakistan ka pehla regional platform hai jahan Naats, Hamd, aur Durood ki bari collection bhi moujod hai. Aaj kay is daur mein jab duniya fasad, nafrat aur musibat se ghiri hui hai, aisi naats insaan kay dil ko sukoon deti hain aur humein yaad dilati hain kay asal barkat aur asal qarar sirf Ishq-e-Rasool ﷺ mein hai. Agar apne abhi tak Muhammad Zohaib Qadri ki yeh dil ko chhu lene wali naat nahi suni, tou Koyal App download karein aur “Huzoor Meri Tou Sari Bahar Aap Se Hai” sunne kay liye diye gae link par click karein.
