Wania SiddiquiPakistan ki roohani moseeqi ka agar koi chehra hai jo duniya bhar mein Sufism ka nishan ban chuka hai, tou woh hain Abida Parveen. Unki awaaz mein sirf sur nahi, balkay ishq-e-haqiqi ka wo jazba hai jo dil ko chu jaata hai. Abida Parveen ne na sirf Pakistan mein, balkay duniya bhar kay music arenas mein apni Sufi awaaz ka jadoo jagaya hai, jahan unka har kalam eik dua ban jaata hai aur har sunne wala ishq e haqiqi se jur jata hai.
Jab baat ho rohaani mooseeqi aur sufi kalam ki, tou zehan mein pehla naam Abida Parveen ka aata hai. Abida Parveen ka taluq eik Sindhi sufi family se hai. Abida Perveen February 1954 mein Larkana, Sindh mein piada huien. Unhone apni initial music training apne walid sahab se hasil ki aur teen saal ki age mei apna pora kalam perform kiya. 1970s kay start se unhone Moinuddin Chishti kay Urs aur dargaho mein perform krna start kiya. Unka pehla Sindhi hit song “Tuhinje zulfan jay band kamand widha” tha, jisko baad mei bohat saray Sindhi singers ne perform kiya.
Abida Parveen ne sirf Pakistan mein hi nahi, balkay India, Bangladesh, Europe aur Middle East tak logon kay dil jeet liye hain. Unkay most famous kalam mein “Aaqa”, “Ali Ali Dum”, “Balaghal Ula Be Kamalihi” waghera shamil hein. Inkay famous duets mein Atif Aslam kay saath “Noor-E-Azal”, Rahat Fateh Ali Khan kay saath “Chaap Tilak”, Naseebo Lal kay saath “Tu Jhoom” aur Asrar kay saath “Nara-E-Mastana” shaamil hein. Inkay ilawah unki famous qawwalion mein “Tera Faqeer Houn Maula”, “Ali Da Pehla Number”, and “Tum Ek Gorakh Dhanda Ho” sar e fehrist hein. Unhone Sufi Saints Ameer Khusro, Bulleh Shah, Sachal Sarmast, Shah Abdul Lateef Bhittai aur degar kay Kalam ko bhi perform kiya hai. Abida Perveen ka shumaar top most influential celebrity aur “Global Mystic Sufi Ambassador” mein hota hai. Abida Perveen ko “Queen of Sufi Music” kaha jata hai.
1984 mein President Muhammad Zia ul Haq ne Abida Parveen ko “Pride of Performance Award” diya. Unhone 1993 mein 1st time international concert mein perform kiya jiskay baad unko international recongnition mili. 2005 mein unko “Sitara-e- Imtiaz Award”, 2013 mein hightest civilian awards “Hilal-e- Imtiaz” aur 2021 mein “Nishan-e- Imtiaz” sei nawaza ja chuka hai. Unhone Coke studio kay different seasons mein perform kiya aur mukhtalif music shows judge kiye.
Abida Parveen sufi music ki roohani aawaaz, jinkay har kalam mein ishq-e-haqiqi ki lehr hoti hai. Unki awaaz sirf suni nahi jati, mehsoos ki jati hai. Koyal is roohani safar ko har dil tak pohanchane ka zariya bana hai. Unkay har kalam ko Koyal par wo izzat mil rahi hai jo eik legend ki aawaz ka haq hai. Koyal App par Abida Parveen ka classic aur contemporary 200+ Kalam ki collection ab asaani se high-quality streaming kay liye moujood hai. Abhi Koyal App download karein aur diye gae link par click krein https://koyal.pk/artist/abida-parveen-130 aur unki collection ko enjoy karein.
Koyal par suno wo awaaz jisme sirf sur nahi, sukoon hai.
