Wania SiddiquiPakistani folk music kay dilkash manzarname mein, Wajid Ali Baghdadi eik numayan aur maqbool shakhsiyat hain, eik esi awaz jo Saraiki awaam ki rooh se gehra ta’alluq rakhti hai. Unki interesting beats aur lyrics ne na sirf unhein Pakistan aur Saraiki community mein bepanah maqbooliyat dilayi hai, balkay Saraiki mauseeqi kay virsay kay tahaffuz aur taraqqi mein bhi unka numaya kirdar hai.
Jhang District mein paida hone wale Wajid Ali Baghdadi ne khud ko eik ese musician aur singer kay taur par manwaya hai jinkay kaam ko dunya bhar mein moujood Saraiki community sarhati hai. Woh Pakistan kay mashhoor folk singers mein se eik hein. Unkay kaam ko unkay story driven narrative ki wajah se pasand kiya jata hai. Wajid Ali Baghdadi ka writing style unkay romanticism, drama, aur tragedy kay strong sense ki akasi karta hay jo aksar mohabbat, juraat, qaumiyat aur even politically centered bhi hota hai. Is munfarid style ne unkay songs ko naujawanon aur buzurgon dono mein maqbool bnaya hai.
Wajid Ali Baghdadi ab tak kafi hit songs release krchukay hein. Unkay famous songs “Sonay Di Chori”, “Tere Lare Na Mukke” aur “Chita Soot” hein. Unka sbse timeless hit song “Sonay Di Chori” hai jo release honay kay 8 saal baad bhi Koyal App par 5th rank par trend kr rha hai aur YouTube par aab tak 83M+ views hasil krchuka hai. Unka song “Nawan Nawan Beli” jo 8 months pehle release howa, YouTube charts par 15th rank par hai aur ab tak 49M+ views hit krchuka hai. Music kay ilawa, Wajid Ali Baghdadi ka asar mukhtalif media tak phaila howa hai, unkay gaanay aksar filmon aur television shows mein shamil kiye jate hain. Unhein unki Saraiki Culture kay liye ki gai khidmaat par “Bolan Award Show Award” se bhi nawaza jachuka hai. Ye awards artists aur singers kay talents ko boost karte hain.
Music kay tezi se badalte howe trends kay daur mein, Wajid Ali Baghdadi traditonal Saraiki folk kay ambassador bane howe hain, jo is baat ko yaqeeni banatay hein kay is culture ko preserve kiya jae aur iskay traditional music kay silsilay ko jari rakha jae. Apne fun kay liye unki lagan unhein waqai eik behtareen artist banati hai.
Koyal App, Pakistan ka regional music platform Wajid Ali Baghdadi kay Saraiki songs kay is wasee silsilay ko farogh deta hai aur usko mehfooz rakhta hai. Koyal App par in kay 175+ songs moujood hein jismei unkay mustaqil hit songs “Pakka Rusinda Nai Mahiya”, “Nasha Sajna Da”, “Sajna De Nikah”, “Tere Lare Na Mukke” aur “Bhul Bakhshawan Aeyan” shamil hein aur ye sb songs YouTube par bhi millions of views hit krchukay hein. Unki pur-asar aawaz aur jazbati lyrics ne unhein Pakistan kay sab se mashhoor folk singers mein se eik bana diya hai. Wajid Ali Baghdadi kay songs sunne kay liye abhi Koyal App download karein aur diye gae link par click karein https://koyal.pk/artist/wajid-ali-baghdadi-9.
