Wania SiddiquiPakistan ki mooseeqi duniya mein agar kisi eik naam ne teen dahayyaan (decades) tak apni pehchan barqarar rakhi hai, tou woh hain Sajjad Ali. Un kay music mein classical, pop melody aur modern experimentation ka esa fusion nazar aata hai jo Pakistani industry mein kisi aur artist kay paas nahi. Sajjad Ali sirf eik singer nahi, balkay eik composer, lyricist, music director aur filmmaker bhi hain, jin ka har project eik nayi misaal qaim karta hai.
Sajjad Ali 24 August 1966 Karachi mein paida howe. Un ka taluq eik cultured aur musical family se tha. Un kay walid Shafqat Hussain classical musician aur film producer thay, jab kay un kay chacha Master Rafiq Ali bhi aik mashhoor composer rahe hein. Bachpan se hi un ka lagao music se tha. Sirf saath saal ki umar mein unhon ne music seekhna shuru kar diya tha. Sajjad Ali ne apni early education National Arts College se hasil ki aur kuch arsay tak Fine Arts mein bhi dilchaspi rakhi.
Sajjad Ali ne kam age se hi music practice star kardi thi lekin un ka professional debut 1980 mein howa jab unhon ne Pakistan Television (PTV) par appearance di. Un ka pehla album “Master Sajjad Sings Memorable Classics” 1979 mein release howa, jismein unhon ne purani Ghazals aur classical numbers ko apni khubsurat aawaz mein dobara paish kiya. 1980s aur 90s Sajjad Ali kay liye woh daur tha jab unhon ne traditional aur modern music dono mein apni pehchan banai.
1990 mein un kay album “Love Letter” aur 1995 mein “Chief Saab” jese albums ne unhein maqbooliyat ki bulandiyon tak phonchaya. Jab Coke studio Pakistan mein aae, tou Sajjad Ali ne bhi apni magic voice se is platform ko roshan kiya. Un ka gaana “Kir Kir”, “Tum Naraz Ho” aur “Sohni Lag Di” un ki versatility ka saboot hain. Sajjad Ali ne apni classical training ko modern instrumentation kay sath blend kar kay ye sabit kar diya kay un ka music waqt se kabhi purana nahi hota. Sajjad Ali ka eik aur pehlu un ka Ghazal aur sufi music hai. “Har Zulm Tera Yaad Hai”, “Teri Yaad”, aur “Tum Naraz Ho” jese tracks ne unhein classical aur emotional singer kay tor par mazeed ubhara. In gaanon ne unhein na sirf Pakistan mein balkay South Asia mein bhi eik strong fan-base diya.
Sajjad Ali sirf singer nahi, eik multi-talented artist bhi hain. Isi waja se, woh eik behtareen composer, actor, director aur tajarbakaar producer bhi hain. Sajjad Ali kay gaanay sirf Pakistan mein nahi balkay India, Middle East aur diaspora countries mein bhi baray shauq se sune jaate hain. Apne music career mein unhon ne kabhi bhi controversy ka sahara nahi liya. Un ki simplicity aur professionalism un kay fan base ko aur mazboot banati hai. Un kay songs mein sur, jazba aur contemporary sense ka balance hai, jisse har generation connect kar pati hai. Unhon ne Europe, North America, UAE mein bhi concerts mein perform kiya.
Sajjad Ali sirf singer nahi balkay Pakistan kay modern music ka icon hain, jinhon ne classical se pop tak, filmi se fusion tak ka safar khud likha. Un ko un ki Pakistan music industry kay liye ki gai khidmaat par 2019 mein Pakistan Government ki taraf se civilian award “Sitara-i-Imtiaz” se nawaza gaya tha. Iskay ilawah 2020 mein un ko apne gaanay “Ravi” kay liye “Song of the Year” kay award se bhi nawaza gaya.
Aaj jab music digital platforms par shift ho chuka hai, un kay gaanay ab Koyal App par bhi moujood hain, jahan un kay timeless tracks jaise “Tum Mujhe Yun Bhula Na”, “Dil Todne Wale”, “Ab To Hai Tumse Har Khushi Apni”, aur “Jane Kyoun Log” naye sound aur clarity kay saath stream kiye ja sakte hain. Har generation kay liye Sajjad Ali eik emotion, eik nostalgia aur eik melody hain.
Sajjad Ali kay classic aur modern gaanay Koyal App par moujood hain. Sajjad Ali kay tracks sunne kay liye abhi Koyal App download karein aur diye gaye link par click karein
