Wania SiddiquiNaat aur Salaam Musalmanon kay liye sirf alfaz nahi hote, balkay ishq-e-Rasool ﷺ ka aisa izhar hote hain jo dil ko sukoon aur qurbat ka ehsas dilatay hain. Aise hi dil ko chhu lene wale Kalamon mein se eik Kalam hai “Kash Main Dor-e-Payambar Mein Uthaya Jaata”. Is Naat ka har misra eik Musalman ka woh armaan bayan karta hai kay kaash unhein dor-e-Payambar ﷺ naseeb hota aur wo apni zindagi Sarkar e doo jahan ﷺ ki khidmat mein guzar dete.
“Kash Main Dor-e-Payambar Mein Uthaya Jaata” ko mashoor Naat aur Noha Khuwan Farhan Ali Waris ne apni pur-jazba aawaz mein pesh kiya hai aur ye Kalam Noor Ali Noor ki tehreer hai. Ye eik aisa kalam hai jismein armaanon ka darya chhupa howa hai. Har misra eik Musalman ki khuwahish ko bayan karta hai:
“Khak Hojata Mein Sarkaar K Qadmo Ke Taley
Khak Ko Khak E Madina Me Milaya Jaata”
Is Kalam kay alfaaz sunne walay ko 1500 saal pehle kay dor mein le jata hai. Is Kalam mein muhabbat kay saath jazbaat bhi shamil hain. Har misra is armaan ka izhar hai kay kaash banda Nabi Kareem ﷺ kay qadmon ki mitti ban kar reh jaye. Isi tarah eik aur misra:
“Sath Sarkaar K Ghazwat Me Shamil Hota
Unki Nusrat Me Lahu Mera Bahaya Jaata”
Ye alfaaz is baat ka izhaar karte hain kay Musalman apni jaan tak Rasool-e-Pak ﷺ par fida karne ka jazba rakhtay hain. Yehi jazba Naat kay har hisse mein barqaraar hai. Is tarah kay Kalam Musalmanon kay iman ko mazeed taza karne ka waseela hote hain. Jab insaan yeh alfaz sunta hai:
“Rait Ke Zaron Me Allah Badal Deta Mujhe
Fir Mujhe Rah E Muhammad Me Bichaya Jaata”
To uske dil mein sirf ishq-e-Rasool ﷺ ka jazba nahi ubharta, balkay adab aur sakoon bhi bhar jaata hai. Ye Kalam Musalmanon ko unkay maazi ki yaad dila kar roohani qudrat ka ehsas dilatay hain. Farhan Ali Waris ne apni pehchaan Noha, Manqabat aur Naat ki duniya mein banai hui hai. Jab Farhan Ali Waris “Kash Main Dor-e-Payambar” ko apni aawaz mein pesh karte hain, to unka jazbati lehja aur aawaz sunne wale kay dil par gehra asar dalta hai. Har misra aisa lagta hai jese hum khud dor-e-Payambar ﷺ mein safar kar rahe hon.
Is Kalam ki khoobsurti ka saboot ye bhi hai kay isay sirf Farhan Ali Waris ne hi nahi, balkay kai aur mashoor Naat khuwanon ne bhi aapni aawaz mein pesh kiya hai. Har Naat khuwan ne isay apne lehje aur jazbat kay saath pesh kiya hai. Har eik ki rendition mein eik naya rang hai kisi ne jazbati lehje mein, kisi ne narmi aur sakoon kay saath, aur kisi ne shauq aur adab kay rang mein. Yehi wajah hai kay yeh Naat har sunne wale kay dil ko apni taraf kheenchti hai.
“Kash Main Dor-e-Payambar” sirf eik Kalam nahi balkay har Musalman kay dil ka wo arman hai jo lafzon mein dhal gaya hai. Abhi Koyal App download karein aur Sunein ye Kalam mukhtalif Naat Khuwan ki aawaz mein.
Syed Farhan Ali Waris:https://koyal.pk/track/kash-mein-dor-e-payamber-107825
Hasnain Ali Qureshi: https://koyal.pk/track/kash-main-doure-payamber-66957
Kamran Kami: https://koyal.pk/track/kash-main-doure-payamber-153060
