Wania SiddiquiQaseeda Burda Shareef, har dor ka eik esa kalam jo mohabbat-e-Rasool ﷺ ka paighaam hai, jise sun kar dil sukoon aur rooh itminaan mehsoos karti hai. Ye woh qaseeda hai jo sirf sadiyon se parhna aur sunna ka riwayat nahi, balkay har dor ka roohani silsila ban chuka hai.
Qaseeda Burda Shareef ko 7th Hijri mein Misri sufi shair Imam al-Busiri (R.A.) ne likha. Yeh kalam unhone us waqt likha jab woh sakht bemar thay. Imam al-Busiri ne yeh kalam Rasool Allah ﷺ ki shaan mein likha, aur eik raat khuwab mein Aaqa ﷺ ki ziyaarat ki jahan unhein Rasool ﷺ ne apni chadar (Burda) sei unhein cover kiya. Jab woh aglay din subha uthei tou woh mukammal shifa yaab thay.
Qaseeda Burda Shareef 10 unwanon par mushtamil hai aur iskay har unwan mein adab, Rasool ﷺ se ishq ka izhar, Nafas ki islaah ka paighaam, Taqwa aur sabr ki taleem di gai hai. Har shair Rasool Allah ﷺ ki rehmat, aur unki hayat-e-taayyiba ka zikr karta hai. Yeh qaseeda har Musalman kay liye sirf eik kalam nahi, balkay roohani islaah ka zariya hai.
Maula ya salli wa sallim da’iman abadan,
‘Ala habibika khayril khalqi kullihimi
Ye Kalam ki sabse mashhoor lines hein jise har Musalmaan ne kisi na kisi waqt zaroor suna hai. Ye duniya mein sab se ziyadah parhay jane wali or yaad kiye jane wale kalamon mein se eik hai. Ye kalam mukhtalif zabano mei translate bhi howa aur aaj bhi Qaseeda Burda Shareef Koyal App, YouTube, aur mukhtalif Islamic platforms par bht ziada suna jata hai. Ulema, Naat Khuwan, aur even singers ne isay mukhtalif lehjo mein parha hai. Kuch ne classical andaaz mein, kuch ne soulful recitation mein, aur kuch ne modern instruments kay zariye bht khubsuraat andaaz mei paish kiya hai.
Koyal App par Muhammad Ismail Siddiqui, Muhammad Shakeel Qadri Attari, Abrar-ul-Haq, Aqsa Abdul Haq aur kai Naat Khuwan ki aawazon mein Qaseeda moujood hai. In recitations ko lakhoon log sun chuke hain, aur hazaron users ne isay apni spiritual playlists mein shamil kiya howa hai. Yahan aap mukhtalif awaazon aur tarz se is qaseeday ka lutf utha saktay hain, aur isay apni roz marra ki spiritual routine ka hissa bana saktay hain.
Jumma ka din Islami taqaddus ka ehm din hai jahan har Musalmaan apne dil ko saaf karne, naiki ki taraf ruju karne aur Rasool Allah ﷺ se apni mohabbat ka izhar karne ka azm karta hai. Har Jummay, duniya bhar mein Musalman masajid aur madarrasah mei Salam, Durood Pak aur Qaseeday parhtay aur sunte hain takay Rasool ﷺ se apna ta’alluq mazeed mazboot kar saken.
Agar aap bhi muhabbat aur emaan kay paighaam ko mehsoos karna chahte hain, tou Koyal App par Qaseeda Burda Shareef ki mukhtalif recitations zaroor suniye. Abhi Koyal app download karein aur diye gae links par click kar kay apne pasandeeda Naat Khuwan ki awaaz mei Qaseeda Burda Shareef sunein
Abrar-Ul-Haq: https://koyal.pk/track/qaseeda-burda-shareef-914
Muhammad Ismail Siddiqui: https://koyal.pk/track/qaseeda-burda-shareef-86309
Aqsa Abdul Haq: https://koyal.pk/track/qaseeda-burda-shareef-96799
Muhammad Shakeel Qadri Attari: https://koyal.pk/track/qaseeda-burda-shareef-79934
