Wania SiddiquiPakistan ki regional mooseeqi ki duniya mein agar kisi eik naam ne Pashto music ko asli aawaz di hai tou woh hai Gulzar Alam. Ye woh aawaz hai jis ne na sirf Khyber Pakhtunkhwa kay lougon kay dilon mein jagah banai, balkay poori duniya mein Pashto culture ko eik pehchan di. Un ka safar sirf eik singer ka nahi, balkay eik a’wami fankar ka hai jo apne gaanon kay zariye aman, muhabbat aur insaniyat ka paighaam deta raha hai. Aaj Gulzar Alam ka music digital platforms, khaas tor par Koyal App, par bhi maujood hai, jahan un kay mashhoor tracks ab nayi nasal kay shauqeen sun rahe hain.
Gulzar Alam ka taluq Peshawar, Khyber Pakhtunkhwa se hai. Woh 1959 mein paida howe. Unhon ne University of Peshawar se Fine Arts mein Bachelors ki degree hasil ki. Unhon ne 1980 mein mashhoor singers aur music teachers (Sultani Ustaz, Ghulam Ali Ustaz and Mehdi Hassan Ustaz) se music ki taleem lena shuru ki aur 1982 mein apna music career officially start kiya. Unhon ne apna music debut Pakistan Television Centre, Peshawar se kiya. Thodi hi der mein un ka naam Pashto music industry mein mashhoor hone laga. Us waqat Pashto music zyada tar local mehfilon aur radio tak mehdood thi, lekin Gulzar Alam ne isse national aur international pehchan di.
1980s aur 1990s Gulzar Alam kay liye woh daur tha jab un ka naam har ghar mein suna jata tha. Un ki aawaz Pashto culture ki asli numayandagi karti thi. Gulzar Alam ne apne music mein hamesha apni zameen, apne logon aur un ki kahaniyon ko shamil kiya. Un kay gaanay mohabbat, wafadari, watan aur insaniyat ka paighaam le kar aate hain. Gulzar Alam ko un ki versatility kay liye jana jata hai. Woh sirf folk gaano tak mehdood nahin rahay balkay ghazal, sufi-rang, aur modern compositions mein bhi apna naam banaya. Unhone aab tak 1,100 se 1,200 albums release kiye jo apne aap mein eik be-misaal record hai.
Gulzar Alam kay mashhoor tracks jaise “Sta Da Stargo Bala Wakhlam,” “Pasarliya,” “Ghmjane Tapay” aur “Jwand” ne unhein Pashto mooseeqi ka superstar bana diya. Gulzar Alam ne sirf audio albums tak apni fankarana hadain mehdood nahi rakheen. Unhon ne Pashto films kay liye playback singing bhi ki, jismein un ka kaam “Zama Da Khaista Meenay” aur “Da Khushal Khaista Zama” jesi films mein bohat saraha gaya. 1930s-40s kay Pashto fankaron ki riwayat ko aage-barhate howe, Gulzar Alam ne apne gaanon mein mohabbat, wafadari, virsa aur a’wami dard ko suron mein dhal diya. Un kay kuch mashhoor tracks ne na sirf unhein Pakistan mein balkay Afghanistan aur diaspora mein bhi maqbooliyat ki bulandiyon par phonch chaya. Un ki performances Radio Pakistan, PTV Peshawar Centre, aur regional cultural shows mein sunni jati rahi hai. Pashto television par un kay concerts aur interviews ne unhein maqbooliyat di.
Gulzar Alam ko doo dafa Pashtoo mooseqi aur aman kay liye ki gai khidmaat par “Baacha Khan Peace Award” se nawaza gaya. 2011 mein unhein hukumat-e-Pakistan ki taraf se baray ezazaat mein se eik “Presidential Pride of Performance Award” se nawaza gaya. In awards kay ilawah bhi unhein kai regional, National aur international awards mil chukay hein. Un ka kaam sirf entertainment nahin balkay cultural preservation aur peace-promotion ka zariya bhi ban gaya.
Jab music industry analog se digital platforms par shift hui, to Gulzar Alam ka music bhi naye daur kay sath evolve howa. Ab un kay gaanay Koyal App par bhi stream kiye ja sakte hain. Koyal ne Pakistan kay regional artists ko eik platform diya hai jahan un ki mooseeqi duniya kay kone kone tak pohanchti hai. Gulzar Alam ke 200+ mashhoor tracks jese “Da Sta Da Mene,” “Starge Sre Lambe,” aur “Zama Da Ghegi Janan” Koyal par high-quality audio kay sath moujood hain. Gulzar Alam unhi fankaron mein se hain jin ka music ab Koyal kay zariye naye generation tak pohanch raha hai.
Abhi Koyal App download karein aur Gulzar Alam kay 200+ tracks kay liye diye gaye link par click karein:
https://koyal.pk/artist/gulzar-alam-21
