Wania SiddiquiPakistan kay mashhoor pop-bhangra singer Abrar-ul-Haq ne pichlay taqreeban 30 saalon mein na sirf Punjabi music ko nayi zindagi di balkay apni charitable activities aur public role kay through mulk kay social aur cultural landscape par bhi gehra asar chora hai. Un ka Safar “1980s school teacher” se le kar “national music icon & social activist” tak eik pur-josh kahani hai, jisne unhein aam awam aur industry dono mein maqbool banaya hai.
Abrar ul Haq 21 July 1969 ko Narowal,Punjab mein paida howe. Unhon ne Sir Syed College, Rawalpindi se apni graduation ki taleem hasil ki aur baad mein social sciences mein Quaid-e-Azam University, Islamabad se masters ki degree haasil ki. Abrar ul Haq Lahore kay eik private school mein geography kay teacher kay tor pr apne faraiz anjaam dei rhe thay lekin un ki music se muhabbat ne un ko apna career tabdeel krne par majboor kiya. 1995 mein unhon ne apna pehla album “Billo De Ghar” release kiya aur woh aatay kay saath hi blockbuster ban gaya. Is ganay ki Punjabi folk foundation aur modern pop beats ne us zamanay ki young audience ka zehen jeet liya.
Abrar ul Haq kay bold style, dancing bhangra rhythm aur catchy lyrics ne un ko sirf Pakistan mein hi nahi balkay diaspora communities mein bhi lajawab pehchan di. “Billo De Ghar” kay baad Abrar ne kai albums aur singles release kiye jo un ki popularity ko barhate gaye. “Nach Punjaban,” “Jugg jugg jeyo,” “Zinda Bhag,” aur “Naachan Mein Odey Nall” un kay hit tracks mein shamil hein. Un ka music style base conversation kay sath lively, danceable aur youth-oriented hai jo shaadiyon, functions aur gatherings ka integral hissa ban gaya. Un kay kuch famous tracks Koyal App par bhi moujood hein, jis mein “Ay Gal Pulan Wali Na,” “Sharkeean Nu Agg Lagdi,” “Pardesi,” aur “Diamond Ring” shamil hein. Abrar-ul-Haq ne kai patriotic aur sufi kalam bhi parhay hein. Sufi Kalam mein “Qaseeda Burda Shareef,” “Maula Ya Salli Wa Sallim,” “Ya Allah,” aur “Parvardigar E Alam” aur Patriotic tracks mein “Sar Jalaingay” aur “Dharti Hay Ma” shamil hein.
Abrar ul Haq sirf singer nahin balkay eik reformer, philanthropist bhi hain. 1998 mein unhon ne apni NGO Sahara for Life Trust qaim ki, jis ka mission hai kay door daraz ilaqon tak sehat aur taleem ki sahulat phonch chai jaye. Is tarah Abrar ne sirf apni aawaz se nhi balkay apni social zimmedari se bhi ye sabit kiya ke mosiqi aur insani khidmat ek saath ho sakti hain. Abrar ul Haq ko social services, music aur charity work ki wajah se 2005 mein President of Pakistan ki janib se Tamgha-e-Imtiaz se nawazah gaya. Is kay ilawah bhi un ko 2000 mein Best Folk Singer kay aizaz mein “PTV Award”, 2002 aur 2003 mein best Singer category mein “Lux Style Award” aur 2004 mein un ko mustakil 6 saal best pop singer award holder hone kay aizaz mein “PTV Award” se bhi nawazah gaya.
Un ka influence sirf South Asia tak mehdood nahi raha balkay un kay concerts, diaspora community events aur online streaming ne un ko global Punjabi pop icon bana diya. Abrar ul Haq kay 20+ tracks Koyal App par moujood hein. Agar aap ye tracks sunna chahtay hein tou abhi Koyal App download karein aur diye gaye link par click karein.
