Wania SiddiquiJab bhi Pakistan mein pop music ki tareekh likhi jaati hai tou Alamgir Haq ka naam sar-e-fahrast aata hai. Yahi nahi, unhain “Elvis of the East” bhi kaha jata hai. Is baat se koi tazaad nahi k ab unki aawaz ka jaadu eik bar phir se Koyal kay platform par goonj raha hai. Yahi waja hai k Alamgir Haq kay timeless songs Koyal App sab se ziada sunnay walay songs mein included hain.
Pakistani pop music ki buniyad rakhne walon mein Alamgir Haq ka naam aaj bhi izzat aur pyaar se liya jata hai. Alamgir Haq 1955 mein Bangladesh (East Pakistan) mein paida howe. Unkay walid, Farmuzal Haq, eik siyasi shakhsiyat thay jo All India Muslim League aur baad mein Pakistan ki siyasat mein aae. Alamgir ne taleem Mirzapur Cadet College, Tangail (Bangladesh) aur B A F Shaheen College, Dhaka, (Bangladesh) se hasil ki. 1971 mein Alamgir Karachi, Pakistan hijrat kar gaye jab woh 16 saal kay thay, aur yahan unhon ne apni taleem Karachi University se jari rakhi. Bachpan se hi unka rujhan music ki taraf tha, aur guitar bajana aur gaana seekhna unki khuwahish thi.
Woh har shaam Tariq Road par waqeh “Café D Khan” mein gaa kar apna fun dikhate thay jiskay badlay kissi qisam ka paisa nahi milta tha, lekin rozana eik waqt ka khana diya jata tha. Yeh café us waqt kay adeebon aur sochnay walay logon ka markaz tha, jahan unki aawaz ne logon ka dil jeet liya aur wahan se unka talent spot howa. Unhon ne 1970s kay start mein Pakistan Television mein singing start ki. Us doraan loug modern Urdu music se itna familiar nhi thay. Unka pehla song “Albela Rahi” tha, jo eik foreign language song ki translation hai. Unka ye song raaton raat hit howa aur woh 70s ki youth mein famous hogaye.
Alamgir ko aksar “Elvis of the East” kay laqab se bhi yaad kiya jata hai, kyun kay unka gaanay ka andaaz playback singer Ahmed Rushdi aur western singer Elvis Presley se milta tha. Unko “King of Pop” bhi kaha jata hai kyun kay unhon ne Urdu pop songs, melodious romantic tracks aur youth-oriented lyrics kay zariye Pakistan mein pop culture ko eik naya rang diya. 1980s mein Alamgir kay gaane radio, TV aur cassette stores par har jagah sunay jaane lage aur ab tak woh 400 se zaidh songs release karchukay hein. Alamgir ne playback singing bhi ki hai, unkay kuch mashhoor gaanay filmon kay liye hain jinhon ne unki aawaz ko aur ziyadah logon tak pohnchaya. “Albela Rahi,” “Dekha Na Tha Kabhi Hum Ne Yeh Sama,” “Mujhay Dil Se Na Bhulana,” aur “Yeh Shaam Aur Tera Naam” unkay sbse mashhoor gaanon mein shamil hain. Unki PAF se attachment ka andaza unkay naghmay “Tum He Se Ae Mujahido” se lgaya jaskta hai. Woh eik event mein awaam se mukhatib howe aur btaya kay;
“That was not a song; it was a feeling. It was my love for the forces.”
Alamgir ne apne career mein bohot si izzat-afzai hasil ki. Unko 2013 mein Government of Pakistan ki janib se “Pride of Performance” award mila jo unki services aur contributions ka aizaz hai. Unko 40 saal se ziadah kay behtareen career kay aizaz mein Pakistan Television (PTV) aur Hum News ki janib se 2012 aur 2019 mein “Lifetime Achievement Award” se bhi nawazah gaya.
Koyal ka mission sirf naye gaanay promote karna nahi, balkay un aawazon ko bhi dobara roshan karna hai jo hamari moseeqi ki pehchan hain. Alamgir Haq jese singers ki archive ko preserve karna aur naye audience tak pohanchana, Koyal kay liye sirf eik digital kaam nahi, balkay aik saqaafati zimmedari hai.
Koyal App par Alamgir Haq ki 20+ tracks ki timeless collection sunne kay liye abhi Koyal app download karein aur diye gaye link par click karein
