Wania SiddiquiJab bhi Pakistan kay film playback singers ki baat ho, tou Humaira Channa ko yaad kiya jata hai, eik aisi singer jin ki aawaz ne Punjabi, Urdu, Sindhi aur Saraiki films kay gaane banaye. Apni soulful aur classical touch wali aawaz se unhon ne na sirf a’awam ka dil jeeta, balkay film aur television kay golden era ka hissa bankar Pakistan ki riwayati mooseeqi ko naye andaaz mein mutarrif karwaya. Film, Folk, Ghazal, Thumri, Dadhra, semi-classical, Sufi, Hamd aur Naat ki mashhoor aawaz Humaira Channa Pakistan ki mooseeqi ka laa-zawal chiraagh hain.
Humaira Channa 22 June 1966 ko Hyderabad, Sindh mein paida huien. Unka taluq eik Sindhi Muslim family se hai. Unkay walid film industry se munsalik thay. 9 saal ki age mein unhon ne apne walid ki film “Darwaza Khula Rakhna” kay liye gana gaya. 1980s mein unko mashhoor Singer Naheed ka mutabadil samjha jata tha jab Naheed Akhtar ne film industry chordi thi. 1990s mein Humaira Channa kamyabi ki bulandiyon par phonchein aur unko Pakistan Television (PTV), Karachi par Shah Abdul Lateef Bhittai kay kalam parhne ka mauqa mila. Humaira Channa Urdu, Punjabi, Sindhi aur Saraiki zabaan mein gaana janti hein.
Humaira Channa apne career mein seekron gaanay gaa chuki hein. Unkay mashhoor songs “Mujh se Pehli si muhabbat,” “Phool Banro,” “Hijer Mai Hanjun Na Haarjan,” aur “Kithe Aahi Tun” shamil hein. Humaira Channa ne Television dramas kay liye title songs bhi gaye jinmei “Rishtay Mohabbaton Kay,” “Shikan,” “Kaash Aisa Ho,” aur “Naagin” shamil hein. Coke Studio season 7 duet songs mein Humaira Channa ne Abbas Ali Khan kay saath “Phool Banro” aur Javed Bashir kay saath “Ambwa Talay” perform kiya. Iskay ilawah Coke Studio Season 10 mein woh Nabeel Shaukat kay saath “Mujh Se Pehli Si Muhabbat” perform kar chuki hein.
Humaira Channa Pakistan kay saath saath Europe, Bangladesh, Canada, UAE, aur US mein kai international Concerts kar chuki hein aur aaj bhi Humaira Channa ki aawaz cultural events, heritage shows, private gatherings aur music archives ka essential hissa hain. Humaira Channa ko six times best female playback singer Nigar Awards (1986, 1989, 1991, 1993, 1994, 1997) mil chukay hein aur woh Madam Noor Jahan aur Mehnaz kay baad 3rd singer hein jinko ye aizaz hasil hai. Iskay ilawah unko 1986 mein “Pakistani Television (PTV) Best Singer Award” aur 2017 mein Government of Pakistan ki taraf se unko “Pride of Pakistan Award” se nawaza gaya.
Digital platforms kay era mein jahan fast-paced aur trendy tracks dominate karte hain, Koyal App ne Pakistan ki asal music legacy ko preserve aur promote karne ka eham zimma uthaya hai. Humaira Channa kay timeless tracks, unki classical Ghazal aur filmi songs ab Koyal App par moujood hain. Koyal ka mission hai Pakistani music culture ko document karna, nayi nasal tak pohanchana aur un aawazon ko sametna jo waqt ki gard mein gum ho rahi hain. Humaira Channa jese icons ko samet kar Koyal ye saboot de raha hai kay real music kabhi purana nahi hota.
Humaira Channa kay 450+ tracks Koyal app par available hein. Tracks sunnay kay liye abhi Koyal app download karein aur diye gaye link par click karein
