Wania SiddiquiPakistan ki moseeqi ki duniya kay har daur mein ese artists paida howe hain jinhone apni khubsurat aawazon aur behtareen lafzon ki adaegi se na sirf awaam kay dil jeetay, balkay Pakistani music industry ko eik naye dor ki taraf le gaye. Ese hi artists ki list mein se eik naam hai child star, Ayat Arif ka.
2016 mein Karachi mein paida hone wali Aayat Arif ne bohat kam age mein woh shohrat hasil ki jo kai logon ko saalon ki mehnat kay baad milti hai. Nanhi umar, masoom chehra aur soulful aawaz yeh sab mil kar Aayat ko eik alag hi pehchan dete hain. Aayat Arif ka pehla Song “Sab Ko Eid Mubarak” tha jisse social media platforms par bohat spotlight mili aur is song ne YouTube par bhi millions of views hit kiye. Yeh song na sirf bachon mein pasand kiya gaya, balkay baray bhi isay sun kar muskuraye baghair nahi reh sakay. Yaad rahe yehi woh point tha jisse Aayat ka music career officially start howa. Unhon ne apne music career ka aaghaz chund saal pehle hi kiya lekin kam arsay mein apni munfarid pehchaan banali.
Aayat Arif ne bohat se Kalam aur songs record kiye hein jo na sirf bacho ko pasand aae balkay baron ki bhi tawajjah ka markaz banei. Iskay saath saath Aayat Arif ne Pakistan kay leading channel kay drama mein acting ki. Aayat Arif ki pehchan ab sirf Pakistan tak mehdood nahi rahi. Overseas Pakistani communities bhi unkay Songs, Qawwaliyan aur Naat sun’na pasand karti hain. Unkay mashhoor tracks “Futoor”, “Maa Tujhsa Nahi Hai Koi Duja”, “Gulabi Gaey” aur iskay ilawah bhi kai tracks shamil hein jo YouTube par bhi millions of views hit krchukay hein. Iskay ilawah unkay famous Kalam “Eik Baar Phir Se Ramzan Aya Hai”, “Bhardo Jholi”, “Allah hi Allah kiya karo” aur “Woh mera Nabi hai” hain. Unki Naat hon, Songs, Qawwaliyan ya phir Milli Naghmay, logo kay darmiyan maqbool rehte hein. Aur Social media par unki fan following bhi kafi taizi sei barh rhi hai aur unkay tracks aksar trending lists mein shamil hote hain.
Aaj kay digital zamane mein music platforms kaafi ehmiyat rakhte hain. Isi silsile mein Koyal App Pakistan ka pehla regional music platform hai jo naye aur purane dono artists ko promote karta hai. Aayat Arif kay tracks ab Koyal App par moujood hain. Koyal ka mission hai kay Pakistan kay tamam artists, regional, national ya international, unkay kaam ko eik digital archive mein preserve karna aur duniya tak pohanchana hai.
Agar aap bhi Aayat Arif kay Songs aur Qawwaliyaan sun’na chahte hain, to Koyal App download karein aur diye gaye link par click karein.
https://koyal.pk/artist/aayat-arif-16
