Wania SiddiquiAziz Mian Qawwal ka naam Pakistan kay sufiyana aur jazbaati kalam ki tareekh mein sunehri haroof se likha jata hai. Aziz Mian Qawwal Pakistan kay maroof riwayati qawalon mein se eik thei aur qawali kay munfarid andaz mein Ghazal ganay kay liye bhi mashhoor thei. Woh aaj bhi South Asia kay maqbool tareen qawalon mein se eik hein.
Aziz Mian Qawwal ka asal naam Abdul Aziz tha, lekin unki pehchan unkay jazbaati andaaz aur “Mian” keh kar qawwali shuru karne kay lehjay se bani. Woh 1942 mein Delhi, India mein paida howe. 10 sal ki age mein unhone Lahore kay Data Ganj Bakhsh School mein Ustad Abdul Wahid Khan se tarbiyat hasil ki. Unka qawwali mein yeh munfarid andaaz 1960s kay daur mein ubhar kar samne aaya, jab woh Radio Pakistan aur live mehfilon kay zariye maqbool hone lage. 1966 mein jab unhone Iran kay Shah Muhammad Raza Pehlvi kay samnay perform kiya jispar Iran kay Shah ne unhein first prize aur gold medal sei nawaza, ye unki woh performance thi jisse dunya bhar mei unko recognition milli.
Aziz Mian ne apni shairi kay ilawah Allama Iqbal aur kai Urdu poets ki shairi bhi perform ki. Apne career kay start mein woh Army personnel kay liye military barracks mein perform kiya krte thei jiski wajah se woh Fauji Qawwal kay naam se janay jate thei. Unhone sab se ziada taveel commercially release hone wali qawali, “Hashr Ke Roz Yeh Pochunga” ka record bnaya, jo 115 min ki thi. Iskay ilawah unki famous qawalli “Sharabee Main Sharabee”, “Savere Savere”, “Daulat Ke Bande”, “Qalandar Mast Qalandar” aur “Bewafa Youn Tera Muskarana” bhi hein. Unki philosophy aur music mein ki gai khidmaat par, 1989 mein Government of Pakistan ne unhein “Pride of Performance Award” se nawaza.
Aziz Miyan ne khud ko classical musical education tak mehdood nhi rakha. Unhone University of Punjab, Lahore sei Arabic, Persian language, Persian aur Urdu literature aur history mein Master’s degree hasil ki. Aziz Miyan na sirf eik azeem qawal thei balkay eik aqeedat mand sufi, khoobsurt shair, philospher, serat kay writer, scriptures kay aalim or eik azeem researcher thei. Aziz Mian December, 2000 mein Hepatitis ki bais inteqal kar gae.
Aaj bhi unki awaaz digital platforms par logon kay dilon ko chhu rahi hai. Koyal, Pakistan ka digital music platform, Aziz Mian jese legendry artists ka saqaafati virsa mehfooz karne ka behtareen zariya ban chuka hai. Koyal App par Aziz Mian kay classic qawwaliyon ko dubara zinda kiya ja raha hai jahan roohaniyat, jazbaat, aur riwayati kalam eik naye andaaz mein sunne ko miltay hain. Koyal par Aziz Mian ki original qawaliyaan moujood hain jo new generation ko is azeem qawwal kay kalam sunne ka mauqa deti hein.
Aziz Mian kay behtareen kalam suniye ab Koyal App par. Abhi Koyal App download karein aur diye gae link par click karein https://koyal.pk/artist/aziz-mian-qawwal-7881.
