Wania SiddiquiNaat-e-Rasool ﷺ aisi roohani sada hai jo mo’min kay dil ko sukoon aur uski rooh ko naya noor bakhsh deti hai. Aisi hi eik mashoor aur dil ko chhu lenay wali Naat hai “Ae Sabz Gunbad Wale”, jise Qawwal Mujadid Amjad Sabri ne apni rooh parwar aawaz mein pesh kiya.
Qawwal Mujadid Amjad Sabri, jo Pakistan kay mashhoor Qawwals mein se hein aur Naat Khuwani kay liye bhi jane jate hein, unki aawaz mein yeh kalam eik naya asar paida karta hai. Unka jazba, unka lehja aur kalam ki adaegi sun’ne walay ko Madina ki galiyon aur Roza-e-Rasool ﷺ kay qurb ka ehsas dilati hai.
Ae sabz gumbad wale manzoor dua karna
Jab waqt e naza’ aye deedar ata karna
Ye alfaz eik mo’min ki sabse bari tamanna hai jo uski zindagi ka maqsad hoti hai kay waqt-e-maut usay Nabi Kareem ﷺ ka deedar naseeb ho. Aise jazbaat sirf mohabbat aur adab se paida hote hain. Mujadid Amjad Sabri ki aawaz is dua ko aur bhi gehra bana deti hai. Kalam kay misray Nabi ﷺ ki shan ko Noor-e-Khuda kay taur par bayan karte hain. Musalmanon ki sabse bari arzoo hoti hai kay Aap ﷺ uski aankhon ka noor ban jayein.
Kalam mein eik aur jazbaat ka izhar milta hai:
Main Qabar Andheri Main Ghabraunga Jab Tanha
Imdaad Meri Karnay Aajana Rasool Allah
Roshan Meri Turbat Ko Ae Noor E Khuda Karna
Jab Waqt E Naza’ Aye Deedar Ata Karna
Ye alfaaz mo’min ki wo fikar hai jo usay apni akhirat kay liye hoti hai. Jab insan qabar mein tanha hoga, us waqt Nabi ﷺ ki madad aur rehmat ka intizar hoga. Mujadid Amjad Sabri ne is hissa ko jo andaaz diya, wo eik mo’min kay dil ka sach ban gaya. Kalam kay alfaaz is baat ka izhar hain kay insaan jitna bhi gunahgaar ho lekin Nabi Kareem ﷺ ki rehmat se umeed rakhta hai kay woh uski roz-e-qayam uski shafa’at krein gei.
Mujadid Amjad Sabri jab “Ae Sabz Gunbad Wale” jaise kalam ko parhte hein to har sun’ne wala apna aap Gumbad e Khizra kay saaye mein mehsoos karta. “Ae Sabz Gunbad Wale” sirf eik Naat nahi, balkay eik dua hai. Har misra ishq-e-Rasool ﷺ aur akhirat ki umeed ka izhar hai. Kalam ka har misra insan ko yaad dilata hai kay akhirat mein naja’at ka asal zariya Nabi Kareem ﷺ ki rehmat aur shafa’at hai.
Koyal App par aap “Ae Sabz Gunbad Wale” Mujadid Amjad Sabri ki aawaz mein sun sakte hain. Pehle Amjad Sabri aur aab Mujadid Amjad Sabri ki aawaz ne is kalam ko amar bana diya. Har sun’ne wala is Naat mein apni rooh ki pyaas ka izhar paata hai. Unka andaaz, unka jazba aur unki roohaniyat is Naat ko eik amar tasur banate hain jo hamesha dilon mein zinda rahega.
Is Naat ki khoobsurti sirf uskay alfazon mein nahi, balkay Mujadid Amjad Sabri ki aawaz kay asar mein bhi hai. Yehi wajah hai kay aaj bhi unka parha howa Kalam har mo’min kay dil ko roshan karta hai. Timeless Kalam “Ae Sabz Gunbad Wale Manzoor e Dua karna” sunne kay liye Koyal App download karein aur diye gaye link par click karein
Ay Sabz Gunbad Wale
https://koyal.pk/track/ay-sabz-gunbad-wale-93148
