Wania SiddiquiPakistan aur South Asia ki music aur film history mein agar kisi fankaar ka naam hamesha roshan raha hai tou woh Noor Jehan ka hai, jinhein “Malika-e-Tarannum” kay laqab se pehchana jata hai. Un ki aawaz sirf eik fun nahi balkay eik roohani asar hai jo naslon tak goonjti rahi hai. Un ka safar British India se le kar Pakistan tak, aur phir film, playback singing, classical, ghazal aur patriotic songs tak ka hai jise duniya bhar kay fans aaj bhi yaad karte hain.
Noor Jehan 21 September 1926 ko Kasur, Punjab mein paida hui. Un ka naam Allah Rakhi Wasai rakha gaya. Bachpan se un ka taluq singing aur theatre se raha, un kay walid ne un ko classical aur ghazal singing ki raahnumai ki. Early training ne un ki aawaz ko bohat versatile aur expressive banaya, jisay dekh kar un ko filmy aur classical arenas mein kaam karne kay liye bulaya gaya. Noor Jehan ne apni career ka aaghaz bachpan mein hi theatre aur regional performances se kiya. Uss waqt un ko stage name Baby Noor Jehan se bhi introduce kiya gaya, aur un ki singing aur acting dono hi audiences mein maqbool ho gayi. Un ki early films aur performances ne un ko eik multi-talented performer kay taur par establish kar diya.
1947 mein Partition kay baad Noor Jehan ne India se Pakistan hijrat ki aur Karachi permanently settle ho gaien. Yahan unhon ne film industry mein eik nayi shuruaat ki. Pakistan mein unhon ne pehla leading role 1951 mein film “Chan Wey” mein kiya tha, jis mein unhon ne lead heroine aur playback singer dono kay taur par bhi perform kiya tha. Us kay baad unhon ne “Dupatta” (1952), “Intezar” (1956), “Anarkali” (1958) aur Koel (1959) jaisi films mein bhi kaam kiya. Unhon ne 40 se ziada films mein acting auur singing kay johar dikhae aur khud ko eik established artist kay taur par manwaya. Unhon ne 1961 mein akhri film “Mirza Ghalib” ki. Established acting kay bawajood Noor Jehan ka asli junoon singing tha. Unhon ne playback singing ko apna primary focus banaya aur Pakistan ki film industry mein kai iconic songs diye jo ab tak yaad kiye jate hain. Unhon ne classical, filmi songs, ghazal aur patriotic numbers sab mein apna loha manwaya. Saath hi unhon ne Punjabi, Urdu aur Sindhi kay songs bhi record kiye, jis se un ki versatility aur excellence sabit hoti hai.
Noor Jehan ne apne 60 saal se zyada lambay career mein taqreban 2,400 se ziada tracks gaaye, jo record hold karte hain aur subcontinent cinema history mein eik mushkil record hai.1957 mein Noor Jehan ko un ki outstanding services kay liye Government of Pakistan ne highest civil award “Pride of Performance” se nawazah gaya. 1965 mein un ko un kay Pakistan – India jang kay douran un kay patriotic song bnane aur moral support kay liye “Tamgha-e-Imtiaz” se nawazah gaya. Is kay ilawah un ko “Nigar Award” se bhi nawazah gaya tha. Un kay tracks sirf Pakistan tak mehdood nahi rahe balkay Middle East, South Asia aur Europe ki audiences ne bhi un ko kafi pasand kiya. Un ko Queen of Melody, Nightingale of the East, aur Queen of Hearts jese laqab diye gaye hain.
Noor Jehan ki fun aur legacy aaj bhi nayi naslon kay dilon mein zinda hai. Un kay gaane radio se le kar digital platforms tak sab jagah sun’ne ko milte hain jahan young audiences bhi un ki aawaz ko kafi pasand krti hai. Noor Jehan ne playback singing kay zariye hazaron songs record kiye jin mein emotional, classical aur patriotic categories sab shamil hain. Un kay kafi Maqbool ganay Koyal App par bhi moujood hein. 23 December 2000 ko unhon ne Karachi mein heart failure kay sabab apni aakhri saans li.
Agar aap Noor Jehan kay songs sun’na chahte hain aur un ki timeless recordings explore karna chahte hain, to un ka collection Koyal App par available hai.
Tracks sunne kay liye diye gaye link par click karein: https://koyal.pk/artist/noor-jahan-365
