Wania SiddiquiPop singing se le kar samaji tabdeeli kay maidan tak, Shehzad Roy eik misaal ban chukay hain. Un ka safar sirf eik singer ka nahin balkay eik mission ka bhi hai jismein music kay saath saath bachon ko taleem dene aur muashray ko khoobsoorti se badalne ka paighaam hai.
Shehzad Roy eik mashhoor singer-songwriter, guitarist, activist, social worker, producer aur humanitarian hein. Woh 16 February 1977 ko Karachi, Sindh mein paida howe. Un kay walid, Kabir Roy eik tajir thay. Choti umar se hi Shehzad ko singing ka shauq tha. Shehzad Roy ne 1995 mein apna pehla album “Zindagi” release kiya jab woh sirf grade 11 kay talib-e-ilm thay magar isse un ki singer kay tor par pehchaan shuru hui. Unhon ne apna dusra album “Darshan” 1977 mein release kiya aur eik kay baad eik album release krte rahay. Un ka early music career romantic aur pop songs tak mehdood tha, lekin ahista ahista un kay music ne evolve hona start kiya. 2008 mein Shahzad Roy ne album “Qismat Apne Haath Mein” Juvenile Jail Karachi se release kiya takay 70,000 qaidi jo saalon se trails kay intezar mein hein un ki taraf sabki tawajo dila sakein. Ye un ki life kay liye bhi eik turning point bana.
Shehzad Roy ne pop music kay zariye national aur international level par apni pehchaan banai. Un kay kuch mashhoor gaanay “Mukhra,” “Pyar Amar,” aur “Zindagi” hein. Unhon ne singing ko sirf entertainment ka zariya hi nahin balkay tabdeeli ka zariya bhi banaya. Music industry mein ki gai khidmaat par un ko mukhtalif awards mil chukay hain. Un ko 1999 mein Pakistan television ki janib se “Best Pop Singer” Award bhi diya gaya. 2005 mein un ko President of Pakistan ki janib se “Tamgha-e-Imtiaz” se nawaza gaya aur 2018 mein un ko un ki public services aur culture contribution kay liye “Sitara-e-Imtiaz” se nawaza gaya.
Aaj Shehzad Roy sirf singer nahi balkay eik movement ka hissa hain. Un kay music, un ki NGO aur un ki social campaigns ne Pakistan ki youth, government schools aur public awareness ko naya roshan rasta dikhaya hai. Ye saari cheezein un ki legacy ko mazboot banati hain. Shehzad Roy ne apni aawaz se pehchaan banai, lekin un ki pehchaan sirf un ki singing tak mehdood nahin, balkay un ki pehchaan un ki zimmedari, service aur mission-driven soch se juri hai.
Koyal App par Shahzad Roy kay 20 tracks moujood hein. Agar aap ne abhi tak Shahzad Roy kay famous tracks nhi sunne tou abhi Koyal App download karein aur diye gaye link par click karein
