Wania SiddiquiJummah ka din Islam mein eik azeem aur fazeelat wala din maana jata hai. Ye woh din hai jise “Sayyid-ul-Ayyam” yani tamam dinon ka sardar kaha gaya hai. Is din kay saath bohot si ibadaton ki fazeelat juri hui hai jin mein sabse afzal amal Durood Shareef ka qasrat se parhna hai. Rasool Allah ﷺ ne farmaya:
“Jummah kay din mujh par zyada se zyada Durood bheja karo, kyun kay tumharay Durood mere paas paish kiye jatay hain.”
(Ibn Abi Shaybah (2/517) and Al-Tabari in “Tahdheeb Al-Athar” (p. 226))
Yeh Hadees is baat ki wazeh daleel hai kay Jumma kay din Durood parhna na sirf afzal hai balkay barkat aur maghfirat ka sabab bhi hai. Islam mein Jummah ka din ibadat aur rohani tazgi ka din hai. Is din insaan apni masroofiyat se waqt nikal kar Rabb aur Rasool ﷺ kay zikar mein masroof hota hai. Durood Shareef asal mein Rasool Allah ﷺ par Durood o Salam bhejne ka amal hai. Qur’an Majeed mein Allah Ta’ala ne farmaya:
“Beshak Allah aur us kay Farishtay Nabi Kareem (S.A.W.) par Durood bhejte hain. Aye Imaan walon! Tum bhi unpar Durood bhejo aur khoob Salam bheja karo.”
(Surah Al-Ahzab: 56)
Rasool Allah ﷺ ne farmaya:
“Yeh din tumhare tamaam dinon se afzal hai, is liye mujhe is din zyada se zyada yaad karo aur Durood bhejo.”
Durood ka amal us waqt aur bhi maqbool hota hai jab banda namaz kay baad, khaas tor par Asar kay baad ya maghrib se pehle is amal ko apnaaye. Is amal se na sirf dua qabool hoti hai balkay insaan ki zindagi mein naimat aur sukoon barhta hai. Is waqt Durood parhne wale par Allah ki rehmat nazil hoti hain. Jumma ka din, Durood Shareef aur Ishq-e-Rasool ﷺ, ye teen cheezein jab ikatthi hoti hain tou insaan ki zindagi mein roshni, barkat aur sukoon bhar jata hai.
Koyal App par har Jummah ki munasibat se roohani kalam aur Naata moujood hain jo Durood aur Ishq-e-Rasool ﷺ ki rooh ko taza karti hain. Iss Jummah, Koyal App par Mahmood ul Hasan Ashrafi ki aawaz mein “Durood-e-Pak” sun kar apne dil ko roshan kijiye aur barakat hasil kijiye.
Sunne kay liye Koyal App download karein aur diye gaye link par click karein
https://koyal.pk/track/durood-e-ibhrahimi-105407
Jummah Mubarak!
