Wania Siddiqui“Kashmir Azaad Hoga InshaAllah”
27 October wo tareekh hai jo har saal Pakistan aur duniya bhar kay Kashmiri logon kay liye gham, dukh aur ehtijaaj ka din ban kar ubharti hai. Is din 1947 mein dushman mulk ne ghair qanooni tor par apni fauj Kashmir mein daakhil kar kay eik esi jang ka aaghaz kiya jiska safha-e-ikhtitaam aj bhi na-mukammal hai. Yeh din “Kashmir Black Day” kay naam se manaya jata hai, taakay duniya ko yaad dilaya ja sake kay Kashmir kay log abhi tak apne haq-e-khud iradiyat, yani apne mustaqbil ka faisla khud karne kay buniyadi haq se mehroom hain. Black Day manana sirf 27 Oct ko yad krne ki baat nahi balkay insaaf, Aman aur Kashmiriyon ko darpesh jadojehad aur pabandiyon kay baray mein aagahi ka mutalbah hai.
1947 ki taqseem-e-Hind kay waqt, Jammu o Kashmir eik esi riyasat thi jahan aksariyat Muslim thi, magar us ka hukmaran, Maharaja Hari Singh, Hindu tha. Unhon ne pehle Pakistan aur Bharat dono kay sath milne se inkar kar diya, lekin jab Kashmiri a’wam ne azaadi ki tehreek uthai, to Maharaja ne Bharat se fauj bulayi aur un kay sath mil kar 27 October 1947 ko faujiyon ko Kashmir par qabiz krwadiya. Yeh wo din tha jab Kashmir par jabri qabza shuru howa. United Nations ne 1948 mein qarardad paas ki jisme kaha gaya kay Kashmir ka faisla eik azad aur munazzam referendum (raay shumari) kay zariye hona chahiye, lekin aaj tak wo wa’da pura nahi howa.
Kashmir kay log 1947 se ab tak apni azaadi kay liye qurbaniyan de rahe hain. Har saal hazaron logon ko giriftar kiya jata hai, un par zulm, bandish aur media censor lagai jati hai. Dushman Mulk ki taraf se Human Rights violations ko chupane kay liye communication blackout aur military curfew jari rakha howa hai. Duniya bhar kay insaf pasand log, international human rights organizations aur Pakistan har saal 27 October ko is zulm kay khilaf aawaz uthate hain. Is saal bhi, Pakistan mein or duniya bhar mein Kashmiri aur Pakistani communities ne is din ko mark krte howe seminars, rallies, photo exhibition, digital awareness aur social media campaigns kay zariye khiraj-e-aqeedat paish kiya. Ye din sirf eik yaad kiya jana wala lamha nahi, balkay eik paighaam hai: “Kashmir azad hoga Insha-Allah”.
Kashmir ki azaadi ka jazba sirf siyasat tak mehdood nahi, wo Pakistan kay fankaron, mooseqi aur shaairi mein bhi zinda hai. Isi riwayat ko aage barhate howe, Pakistan ki maroof singer Ayat Arif ne apni rooh parwar aawaz mein eik naghma gaya “Kashmir Azaad Hoga InshaAllah”, jo Koyal App par moujood hai. Ye kalam sirf eik naghma nahi balkay eik duaa hai, eik awaaz hai har us Kashmiri ki jo apni zameen, apne haq aur apni pehchan kay liye lar raha hai. Aaj jab duniya 27 October ko Kashmir Black Day kay tor par manati hai, to har dil se eik hi sada uthti hai, Kashmir azaad hoga, InshaAllah.
Agar apne Ayat Arif ka ye Naghma abhi tak nhi suna tou Koyal App download karein aur diye gaye link par click karein.
