Zeeshan Khan Rokhri: Virsa-e-Moseeqi Ka Roshan Sitara

Zeeshan Khan Rokhri, Siraiki mooseeqi kay us silsilay ka chamakta sitara hein jinhon ne folk music ko sirf zinda nahi rakha, balkay apne walid Shafaullah Khan Rokhri ki riwayat ko bhi zinda rakha aur naye dour kay andaazon mein dhal kar naye nasal tak pohanchaya. Unka fun, unka lehja aur unka andaaz sab kuch is baat ka saboot hai kay mooseeqi sirf sur nahi, eik ehsaas bhi hai. Aaj woh naye dor kay un fankaron mein shamil hain jo apni aawazon kay zariye regional music ko mulki aur bayn-ul-aqwami satah tak le gaye hain.

Zeeshan Khan Rokhri 22 February, 1994 mein Mianwali, Punjab mein paida howe. Unhon ne 8 saal ki age mein apnay walid se inspire hokar music career start kiya. Shafaullah Rokhri kay betay hone kay bawajood, Zeeshan ne apni alag pehchan banai. Wo khud kehte hain kay unki zindagi ka sab se bara maqsad apne walid ki riwayat aur aawaz ko zinda rakhna hai, saath hi apni alug pehchan bhi banana hai. Aaj, unka naam Saraiki aur Punjabi music ka eik eham hissa hai.

Zeeshan Khan Rokhri ka style mukhtalif hai woh folk, Sufi aur love songs ko eik naya rang dete hain. Unki khas baat yeh hai kay woh apni regional language Saraiki ko apni pehchan banakar aage le kar ja rahe hain. Unkay mashhoor tracks jese “Yaad Aaya Bewafa”, “Jogi Been Wajae Phirdy” aur “Rohi” digital media par Millions views hasil krchukay hein. Unkay tracks aksar YouTube, Koyal App aur social media platforms par trend karte hain. Zeeshan Rokhri kay songs ab sirf Pakistan hi nahi, balkay overseas Pakistani communities mein bhi pasand kiye jate hain. UK aur UAE mein unka music aksar streaming charts mein hota hai.

Koyal App, Pakistan ka pehla regional music platform hai. Koyal ka maqsad sirf music stream karwana nahi, balkay Pakistan ki saqafat aur regional artists ka digital archive tayar karna hai. Koyal par Zeeshan Rokhri kay tamam trending songs available hein, jahan log unhein bagher kisi rukawat kay sun saktay hain. Yaad rahe kay Koyal par Zeeshan Rokhri kay 60+ tracks moujood hein aur ye unkay fans kay liye aur bhi asaan ho gaya hai kay woh Zeeshan Rokhri kay 60+ tracks eik hi platform par enjoy kar sakte hein. 

Zeeshan Khan Rokhri kay songs sunne kay liye abhi Koyal app download karein aur diye gae link par click karein https://koyal.pk/artist/zeeshan-khan-rokhri-5 .