Wania SiddiquiNabi Kareem ﷺ ki shaan mein likhe gaye asha’ar sirf alfaaz nahi, balkay mo’min kay dil ki dharkan aur uski rooh ka izhar hote hain. Aise hi jazbaat se labraiz eik khoobsurat Naat hai “Dekhne Ko Ya Muhammad ﷺ” jo Sibtain Haider ki aawaz mein sun’ne walon kay dilon ko roshan karti hai.
Yeh Naat, Nabi ﷺ kay husn, azmat aur maqam ki aisi tasveer pesh karti hai jo na sirf ishq-e-Rasool ﷺ ko taaza karti hai, balkay sun’ne walay ko ibadat aur tazyeen ka ehsas bhi dilati hai.
Naat ka aaghaz hota hai:
Tazeem Se Leta Hai Khuda Naam E Muhammad
Kya Naam Hai E Salle Allah Naam E Muhammad
Is Kalam mein Naat Khuwan yeh waazeh karte hain kay Allah Ta’ala kay liye sab se azeem aur Mehboob naam, Nabi ﷺ ka hai. Kalam mein aage kay asha’ar mein shair ne wazeh kiya kay jis dil mein naam e Muhammad ki muhabbat nhi hoti tou us dil mein Allah ki rehmat bhi nhi hoti. Kalam kay ye asha’ar humein yaad dilate hain kay ishq-e-Rasool ﷺ imaan ki buniyad hai. Jo dil is mohabbat se khaali ho, uspar rehmat-e-Khuda kabhi nazil nahi hoti.
Naat kay markazi hisse mein Nabi ﷺ kay husn aur jamal ka tafseeli zikar milta hai:
Dekhne Ko Ya Muhammad Yun Tou Kya Dekha Nahi
Haan Magar Mehboob Koi Aap Sa Dekha Nahi
Rasool Aur Bhi Aaye Zamaane Mein Lekin
Koi Aap Sa Dekha Nahi
Ye alfaaz Nabi ﷺ ki shaan aur la-misaal husun ko bayan karte hain. Nabi ﷺ se pehle kai Ambiya-e-kiram aaye, magar Aap ﷺ ka rutba alug hai. Ye Kalam ishq-e-Nabi ﷺ kay us roohani jazbay ko ujagar karta hai jo mo’min kay dil ko beqaraar rakhta hai. Naat ka ikhtitaam humein ishq, adab aur yaqeen ka sabaq deta hai:
Ik Se Ik Barhkar Haseen Dekhe Magar Ya Mustafa
Tumse Barhkar Husn Wala Doosra Dekha Nahi
Meem Ka Parda Utha Kar Wo Nigah E Shauk Se
Mustafa Ko Dekh Le Jisne Khuda Dekha Nahi
Ye alfaaz ishq kay us maqam ko samjhate hain jahan Nabi ﷺ ka deedar khuda ki rehmat aur noor ka darwaza ban jata hai. Sibtain Haider ki aawaz is Naat ko aur bhi rooh parwar banati hai. Unka lehja aur kalam ki adaegi sun’ne walay kay dil par gehra asar chorti hai. Aawaz aur asha’ar mil kar sun’ne walay kay liye roohani safar ka zariya bante hain.
“Dekhne Ko Ya Muhammad ﷺ” sirf eik Naat nahi, balkay eik roohani safar hai jo mo’min kay dil ko ishq-e-Rasool ﷺ kay samundar mein dooba deta hai. Iskay asha’ar Nabi ﷺ ki azmat, husan, maqam aur la-misaali shaan ko bayan karte hain. Sibtain Haider ki aawaz ne is kalam ko eik amar roohani nasheed bana diya hai. Is Naat ki khubsurti aur asar ko mazeed gehra banane kay liye aap ise Koyal App par bhi sun saktay hain. Koyal par na sirf yeh Naat, balkay mazeed rooh parwar Naat aur Kalam moujood hain jo aap kay jazbaat ko taaza karte hain.
Abhi download karein Koyal App aur sun’ne ye kalam.
