Wania SiddiquiIslami aadab aur Naatiya shairi ki tareekh mein kuch aisy kalam hain jo sirf alfaaz tak mehdood nahi rehte, balkay rooh ko jhanjhor dete hain aur dil ko ishq-e-Rasool ﷺ ki roshni se roshan kar dete hain. Unhi kalamon mein se eik mashoor aur behtareen Kalam “Zahe Muqaddar Huzoor-e-Haq Se” hai. Yeh Salam ishq, adab aur shan-e-Mustafa ﷺ ka azeem izhar hai.
“Zahe Muqaddar Huzoor-e-Haq Se” ka paigham Musalmano kay liye eik roohani safar ki manzil hai. Is Kalam mein Nabi Kareem ﷺ kay darbar ki fazilat aur us mein hazri ki bepanah barkat ka zikar milta hai. Yeh Kalam hamein yeh yaad dilata hai kay Nabi ﷺ kay dar ki hazri sab se bara sharf hai. “Zahe Muqaddar” ka matlab hai woh qismat jo Nabi ﷺ kay huzoor mein jhuki, woh naseeb jo us dar se manzoor howa. Musalmanon ki zindagi ka asal maqsad Nabi Kareem ﷺ ki mohabbat mein jeena aur marna hai, aur yeh Kalam isi jazbay ko alfaz detay hain.
Pakistan aur duniya bhar mein Rabi-ul-Awwal kay mahine kay douran jab mehfil-e-Milad ka ehtimam hota hai tou “Zahe Muqaddar Huzoor-e-Haq Se” ko baray shauq se parha aur suna jata hai. Har jaga Durood-o-Salam ki sadaein goonjti hain aur dilon mein sukoon bhar jata hai. Ye Kalam mehfil ki rooh ban jata hai aur sunne walon kay dilon mein ishq-e-Nabi ﷺ ki roshni jagmaga uthti hai.
“Zahe Muqaddar Huzoor-e-Haq Se” ki khoobsurti ye hai kay yeh Kalam hamesha taaza rehta hai. Na alfaaz purane hote hain na hi ishq-e-Rasool ﷺ ki roshni kam hoti hai. Har daur kay Musalman is Salam ko apna izhar-e-mohabbat banate hain, aur har bar isko sun’ne ya parhne se dil mein naye jazbaat paida hote hain. Aaj kay musalmanon kay liye yeh Kalam eik yaad-dihani hai kay asal kamyabi Nabi ﷺ kay btae howe rastay pe chalne sei hai Aur isi paigham kay sath, “Zahe Muqaddar Huzoor-e-Haq Se” sada-e-dil ban kar sadaon tak Musalmanon ki zaban aur dil mein goonjta rahega.
Naat aur Salam ka asal maqsad sirf Kalam sunana ya parhna nahi hota, balkay Nabi Kareem ﷺ ki shan mein adab aur takreem ka izhar karna hota hai. Aaj kay digital daur mein Koyal App ne apne users kay liye Naat aur Salam ki eik azeem collection apne platform par rakhi hai. Koyal par aap “Zahe Muqaddar Huzoor-e-Haq Se” mashoor Naat khuwanon ki aawazon mein sun sakte hain. Qari Waheed Zafar Qasmi, Syed Mudassir Mehdi, Hina Habiba aur kai Naat khuwan is Kalam ko apni aawazon mein pesh kar chukay hain, jo sunne walay kay liye roohani sukoon ka bais banta hai.
Abhi Koyal App download karein aur diye gaye links se apni marzi kay Naat khuwan ki aawaz mein “Zahe Muqaddar Huzoor-e-Haq Se” zaroor sunein.
Qari Waheed Zafar Qasmi:https://tinyurl.com/5n6ed7yc
Syed Mudassir Mehdi: https://tinyurl.com/4vjbv9yt
Hina Habiba: https://tinyurl.com/23sjx5a4
Qari Muhammad Junaid Qadri:https://tinyurl.com/ynrdvd36
