Wania SiddiquiHaroon Bacha ka naam Pashto music ki duniya mein eik roshan sitare ki tarah chamakta hai. Unhon ne apni khoobsurat awaaz, refined music sense, aur Pashto-Folk ki asli rooh ko zinda rakhnay kay liye jo kaam kiya, woh aaj bhi saraha jata hai. Haroon Bacha ne na sirf Pashto ghazal aur folk music ko naye rangon mein rang diya, balkay apni kalam-pasandi aur suron ki mithaas se naye dor kay shaukeenon ko bhi apni taraf kheench liya.
Haroon Bacha 27 July, 1972 ko Swabi kay gaon Panjpeer mein paida howe. Unhon ne Middle standard tk taleem Govt. High School Panjpeer se hasil ki. Unhon ne Matric Govt. High School No. 1 Peshawar, F.Sc aur BA Edwardes College sei 1992 mein kiya. Haroon Bacha ne Social Work mein Masters aur Ph.d ki degree 1994 mein University of Peshawar se hasil ki. Woh school kay time se hi Qiratt aur singing competitions mein part liya krte thay lekin Edwardes College kay Music club ne unko pushtoo music mein recognition dilai.
Haroon Bacha ne early 1990s mein apna music career start kiya. Haroon Bacha na sirf eik singer hein balkay eik behtreen lyricist bhi hein. Woh Pashtoo shairi kay anasir apni gaano mei shamil krte hein. Unki Pashto music mein unki sharakat numayan hein aur unhein na sirf Pakistan mein balkay duniya bhar mei moujood pashtoonon mein numaya shauhrat hasil hai. Pashto artists ko darpesh challenges kay bawajood Haroon Bacha ki moseeqi Pashto saqafati fakhar ki Alamat bani hui hai. Unhon ne new generation mein Riwayat aur culture ko zinda rakhne mein madad ki hai.
Haroon Bacha ab tak kai albums aur singles release kr chukay hein. Inki mashhoor release mein “Stergy”, “Tapey” aur “Sawdagara” shamil hein. Unhone Pashto folk music kp traditional Rubab aur Tabla kay saath paish kiya, lekin unki musical arrangement itni modern thi kay new generation bhi unki fan hogai. Unki aawaz aur lyrics mein jo gehrai moujood hai woh Pashto culture mein moujood Mohabbat aur mohazabat ko behtreen tareeqay se samne lati hai. Sirf Pakistan mein hi nhi balkay Afghanistan, UAE, UK tak Haroon Bacha ki fan following pheli hui hai. Diaspora Communities kay liye unka music unki ghar ki yaad aur eik cultural identity ban gaya hai.
Haroon Bacha ne apne career mein kai challenges ka samna kiya, lekin unka junoon aur suron se mohabbat kabhi kam nahi hui. Aaj bhi unki awaaz Pashto music ki asli rooh ki tarjumaan hai. Haroon Bacha kay gaanay aap Koyal App par sun sakte hain. Koyal, Pakistan ka pehla aur sabse bara regional music platform hai. Koyal App Pashto music lovers kay liye eik anmol khazana hai jahan aapko Haroon Bacha kay classic hits aur rare tracks eik jagah milte hain.
Abhi Koyal app download karein aur diye gae link par click karein.
