Wania SiddiquiPunjabi Moseeqi ka jb bhi zikr aata hai, Naseebo Lal ka naam hmesha sbse pehle zehn mei aata hai. Pakistan kay folk music ki duniya mein agar kisi naam ne awaam kay jazbaat ko dil se chuaa hai, tou woh hai Naseebo Lal. Punjab ki mitti se uthi yeh aawaz sirf eik aawaz nahi, eik jazba, eik tehzeeb aur eik riwayat ka naam ban chuki hai.
Naseebo Lal 1978 mein Rahim Yar Khan, Punjab mein paida huien. Unhone bohat choti age mein singing start ki kyun kay woh apni family kay musical background se kafi mutasir thein. Naseebo Lal ne late 1980s mein as a child artist apne career ka aaghaz kiya. Unhone 1999 mein Punjabi movie Desan da Raja mein singing debut kiya. Unka song “Tere Bin Nahi Lagda” kafi hit howa aur isse unhein National level par recognition mili. Uskay baad se ab tak woh kafi albums release krchuki hein jiski wajah se unko duniya bhar mein kafi pazeerai mili.
Naseebo Lal Pakistan ki eik mashhoor Punjabi singer hein lekin Siraiki, Urdu, Hindi, Pashto aur Marwari language mein bhi inkay bht saray maqbool ganay moujood hein. Naseebo Lal ne bht saray cultural aur traditional stage shows mein perform kiya. Inkay singing style ko Lata Mangeshkar and Noor Jehan kay style se compare kiya jata hai. Naseebo Lal ne Atif Aslam aur Rahat Fateh Ali Khan kay saath bhi duet songs record krwae. Unko 2003 mein Government of Pakistan ki taraf se “Pride of Performance Award” se nawaza gaya. Naseebo Lal ne 2012 mein “The Drum Theatre” Birmingham, England mein perform kiya jisse unko international recognition mili. Unhone Aima Baig aur Young Stunners kay saath Pakistan Super League season 6 ka anthem song “Groove Mera” gaya jiskay baad unko kafi criticism ka samna krna para iskay bawajood unka ye song YouTube pe 21M+ hit krchuka hai. Naseebo Lal ne Coke studio season 14 mein sufi Kalam “Tu Jhoom” Sufi singer Abida Parveen kay saath perform kiya jo 3 years mein 103M+ views hit krchuka hai.
In recent hit songs ki wajah se unko young generation mein bhi recognition mili lekin asal khazana inkay woh poranay gaanay hein jo inhone ashroon pehle gaae. Naseebo Lal kay poranay aur unique songs aab Koyal par moujood hein. Koyal pr Naseebo Laal kay 450+ tracks ki playlist moujood hai. Agar apne abhi tak Naseebo Lal kay timeless songs nhi sunnei tou abhi Koyal app download karein, diye gae link par click karein aur enjoy karein.
