Wania SiddiquiMesum Abbas ka naam aaj Noha khuwani ki duniya ka eik ehm hissa ban chuka hai. YouTube aur social media platforms par Mesum Abbas Naqvi ka Noha khuwani ka silsila sirf digital numbers tak mehdood nahi. Unkay paighami Nohay Moharram kay dard aur Karbala kay jazbaat ko duniya bhar kay dilon tak phochane ka zariya ban chuke hain.
Mesum Abbas 1990 mein US mein paida howe aur wahein parwarish pai. Unhone 1999 mein 9 saal ki age mein apna debut album release kiya aur ab tak 15+ albums release krchukay hein. Unka Noha “Rozadaro Qayamat Ke Din Hain” 2019 mein release howa aur ye noha 8.2M+ views hasil krchuka hai. Pakistan kay ilawah, Australia, UK, USA, Germany, Iran aur India mein bhi Mesum Abbas kay lakhoon fans hain aur unka kalam har platform par sun’ne walon ki rooh tak utar raha hai.
Mesum Abbas kay Nohay, jese “Kareem e Karbala Hussain”, “Jab Mere Ghar Mai Alam Hai to Alamdar Bhi Ho”, aur “Chale Aao Ae Ibn e Mushkil Kusha” sirf kalam nahi, balkay Karbala kay manzar aur sabr ki dastaan hain. Yeh tamaam Nohay YouTube par Millions mein views hit krchukay hein. Inka har Noha Imam Hussain (A.S.), Hazrat Abbas (A.S.) aur Ahle Bait kay wafadar saathiyon ki qurbani aur sabr ka paighaam hai. Unkay kalam mein sirf Ahl-e-Bait ka dard nahi, balkay ilm, tehqeeqat aur mohabbat bhi basi hui hai. Aaj jab har cheez digital ho rahi hai, to Mesum Abbas bhi apni aawaz ko sirf mehfil tak mehdood nahi rakhte. YouTube, Facebook, aur Instagram jaise platforms par unkay hazaron fans hain. Ab unkay Noha Koyal App par bhi moujood hain jahan unhein high quality mein suna ja sakta hai.
Koyal, jo kay Pakistan ka leading regional aur spiritual music platform hai, un kalamon ko promote kar raha hai jo hamari Tehzeeb aur deen ki riwayaat ka hissa hain. Mesum Abbas kay 80+ Nohay Koyal par stream karne kay liye moujood hain, jisme “Ya Ali Murtaza”, “Ae Alamdar e Hussain” aur “Zinda hai Akbar” jese kalam shamil hain. Agar aap bhi Karbala kay jazbaat se jurna chahtay hain, to Mesum Abbas ki Noha khuwani se behtar kuch nahi. Abhi Koyal App download karein aur diye gae link par click karein.
