Wania SiddiquiPunjab Folk culture ka chalta phirta virsa, Arif Lohar ki awaaz aaj bhi dilon ko jaga deti hai.
Pakistan ki folk music ki duniya mein agar kisi eik naam ne riwayat ko zinda rakha hai aur nae dor kay saath jora hai, tou woh hai Arif Lohar. Lohar family ka yeh chamakta sitara, apne walid Alam Lohar kay naqsh-e-qadam par chalte howe aaj bhi duniya bhar mein Pakistani saqafat ka parcham buland kar raha hai. Chimta uthae, Punjab ki mitti ki khushboo liye, unki awaaz na sirf melodious hai balkay rooh tak utar jaane wali hai. Aaj jab culture ko digital platforms par laya ja raha hai, Koyal App Arif Lohar kay gaano ko eik naye andaaz mein duniya kay samne laa raha hai.
Arif Lohar 1966 mein Lala Musa, Gujrat District Punjab mein paida howe. Unhone na sirf apne walid mohtaram, Alam Lohar kay virsa ko sambhala, balkay mazeed us mein naye rang bhar diye. Unkay gaanay ka andaaz classical Punjabi folk se le kar modern fusion tak badla, lekin roohaniat aur folk identity ka asar kabhi kam nahi howa. Arif Lohar wahid Pakistani artist hein jinhone North Korea mein perform kiya. Punjab kay rangon aur saqafat ka jeeta jaagta numainda, Arif Lohar ne na sirf Pakistan mein balkay duniya bhar mein apne folk songs kay zariye awaam ka dil jeet liya hai.
Arif Lohar ne 2004 mein China mein Asian Games ki opening ceremony mein perform kiya. 2005 mein unko Government of Pakistan ki taraf se Highest civilian award, Pride of Performance se nawaza gaya. 2006 mei unhone apna album 21st Century Jugni release kiya jo kafi hit howa aur worldwide recognition mili. Unki Coke Studio kay saath two main performances: “Mirza” and “Alif Allah Chambey Dey Booti” hein, jinko international notable success milli. Iskay ilawah unki awaaz mein jo khuddaari, jazba aur mitti ki khushboo hai, woh kisi aur mein nahi. Lohar ka fanbase har umar, har zubaan aur har mulk mein milta hai.
Digital platform Koyal ne Arif Lohar kay music ko naye dor se jora hai. Ab unkay famous songs, Qawwaliyaan aur live performances eik click ki doori par hain. Unkay famous songs mein “Jugni”, “Rung Jindri”, “Kamli” aur “Mast Malang” waghera shamil hain.
Koyal App ne Arif Lohar kay timeless kalamon ko eik nayi zindagi di hai. Aaj jab streaming platforms ne music ko accessible bana diya hai, tou Koyal Pakistan ka apna digital platform folk music ko preserve aur promote kar raha hai.
Abhi Koyal app download karein, diye gae link par click karein https://koyal.pk/artist/arif-lohar-15
aur Arif Lohar kay songs ka Khazana enjoy karein.
Arif Lohar sirf eik naam nahi, eik jazba hai. Woh un fankaaron mein se hain jinhon ne Pakistani folk music ko sirf zinda nahi rakha, balkay usay naye rangon mein rang diya. Koyal App par Arif Lohar kay kalaam sunain aur apne rooh ko is mitti ki meethi khushboo mein basa dein.
