Wania SiddiquiMuharram-ul-Haram kay mahinay mein Pakistan kay maqbool Noha Khuwan Farhan Ali Waris ne eik aur misaal qa’im kar di. Aaj, eik hi waqt mein Farhan Ali Waris kay teen Nohay YouTube Pakistan kay Top Trending chart mein dikhai diye:
- Aisa Mera Hussain – Trending #5
- Zaeefa Kon Ho Tum – Trending #6
- Abbas Hai Na – Trending #8
Yeh sirf eik digital kamyabi nahi, balkay Imam Hussain (A.S.) aur unkay saathiyon kay gham ko nayi nasal tak phonchanay ka safar hai jahan jazbaat, ishq aur roohaniat, Farhan Ali Waris ki awaaz kay zariye har dil tak phonch raha hai. Yeh silsila Imam Hussain (A.S.), Bibi Sakina (A.S.) aur Hazrat Abbas (A.S.) ki yaadon ko zinda rakhne ka eik jazba hai jo har sunne wale kay dil tak pohanch raha hai.
Farhan Ali Waris kay teeno nohay YouTube top 10 trend mei shamil aur Koyal par bhi trending mei hein.
Aisa Mera Hussain:
Yeh Noha Imam Hussain (A.S.) ki be-misaal kirdar, unki shuja’at aur haq par qaim rehne kay jazbay ko bayaan karta hai. Ye Noha Gham-e-Hussain ki gehri yaad ka jazbaati izhaar hai aur har sunne walay ko Karbala ka manzar yaad dilata hai. Is Nohay ki har line Imam kay us sabr aur qurbani ka aaina hai jo har Musalmaan kay liye eik paighaam hai. Ye Noha YouTube trending #5 par hai aur bs 2 weeks mei 3.3 million sei zaidh views hasil kar chuka hai.
Zaeefa Kon Ho Tum:
Iss Nohay ne Bibi Sakina (A.S.) ki tanhai, unkay gham, aur Karbala kay baad ki khaamoshi ko itne dard kay saath pesh kiya hai kay loug ronay par majboor ho jate hain. Farhan Ali Waris ka ye Noha Karbala ki sab se choti aur masoom Bibi Sakina (A.S.) ko tribute hai jinhone ne Ashura ka sakht din dekhne kay baad Zindan-e-Shaam ki sakhtiyon ko bardasht kiya. Yeh noha trending #6 par hai aur sirf 2 weeks mein 1.7 million se ziada views hasil kar chuka hai.
Abbas Hai Na:
Yeh Noha Hazrat Abbas (A.S.) ki wafadari, shuja’at aur Bahaduri kay jazbay ko bayaan karta hai. Yeh Noha Karbala kay un lamhon ko zinda karta hai jahan Abbas (A.S.) ka sirf naam hi tasalli ban gaya tha. YouTube #8 par trending ye Noha sirf 5 din mei 617K+ views hasil krchuka hai.
Farhan Ali Waris kay yeh teen Nohay Koyal App par moujood hain. Karbala ka paighaam ab har dil tak digital taur par phonch raha hai, aur Koyal is riwayat ka hissa ban kar fakhar mehsoos karta hai.
Aaj hi Koyal App download karein aur Farhan Ali Waris kay nohay sun kar is Muharram ka dard aur jazbaat mehsoos karen. Trending Noha sunne kay liye diye gae links par click karein.
Aisa Mera Hussain: https://koyal.pk/track/aisa-mera-hussain-a-s-173614
Zaeefa Kon Ho Tum: https://koyal.pk/track/zaeefa-kon-ho-tum-173716
Abbas Hai Na: https://koyal.pk/track/abbas-a-s-hai-na-174787
