Wania Siddiqui18 Rabi-ul-Awwal ka din Islami tareekh mein eik azeem aur roshan din hai. Ye wo din hai jab Ahl-e-Bait A.S. ki eik azeem aur pakiza shakhsiat, Bibi Umm-e-Kulsoom R.A. ki wiladat hui. Aap Nabi-e-Akram ﷺ ki beti Bibi Fatima A.S. aur Ameer-ul-Momineen Hazrat Ali A.S. ki sahabzadi thien. Bibi Umm-e-Kulsoom R.A. ki zindagi, sabar, shuja’at aur islami ikhlaaq ki behtareen misaal hai. Aap ka kirdar na sirf Ahl-e-Bait ki tareekh mein eham hai, balkay poori ummat-e-Muslima kay liye eik roshni ka chiraagh hai.
Bibi Umm-e-Kulsoom R.A. ki wiladat ka din humein sirf eik shakhsiat ka yaadgar din mananay ka paigham nahi deta, balkay humein is baat ka ehsas dilata hai kay Islami tareekh mein khawateen ka kirdar kitna eham aur be-misaal hai. Aap ki tarbiyat eik aise gharane mein hui jahan Quran ki taleem, deen ki rooh aur sab se barh kar Ishq-e-Rasool ﷺ ki roshni thi.
Bibi Umm-e-Kulsoom R.A. ki zindagi mein sabar aur shuja’at ki misaalein bhari hui hain. Aap kay bachpan mein hi aapki walida Sayyida Fatima A.S. duniya se parda farma gaein jiskay baad aapne phir akele Islam kay mukhtalif dor kay dukh aur imtehan ka sabar kay saath samna kiya. Sab se eham waqiah aap ki zindagi ka Karbala ka hai. Aap bhi apni behan Bibi Zainab A.S. kay hamrah Karbala kay maidan mein moujood thien. Aap ne apne khandan ki hifazat kay liye apna kirdar har mumkin aada kiya. Karbala kay baad jab Ahl-e-Bait ko qaidi bana kar Kufa aur Shaam le jaya gaya, tou Umm-e-Kulsoom R.A. ne khitabon aur sabar se Islam ki sachai ko duniya kay samne wazeh kiya aur jurat aur bahaduri ki misaal ban gaein.
Bibi Umm-e-Kulsoom R.A. ki zindagi humein ye dars deti hai kay aurat Islam mein kamzor nahi, balkay deen ki eik mazboot bunyad hai. Aap ka sabar humein yeh samjhata hai kay dukh, musibat aur zulm kay bawajood imaan aur sachai se kabhi peeche nahi hatna chahiye. Shaam kay bazaar mein aap ne jis tarah apni Bibi Zainab A.S. kay sath zulm kay khilaf aawaz uthai, wo qiyamat tak ka eik paigham hai. Aap ne Quran aur Hadees ki taleem ko apni zindagi ka hissa banaya. Aap bachon aur khawateen ko deen ki taleem deti thien.
18 Rabi-ul-Awwal humein sirf Bibi Umm-e-Kulsoom R.A. ki wiladat ka din nahi yaad dilata, balkay yeh din eik paigham hai iman ka, sabar ka, ilm ka aur Shuja’at ka. Aaj kay is roshan din par, jab hum Bibi Umm-e-Kulsoom R.A. ki wiladat manate hain, tou hum unki shan mein parhe gaye Manqabat aur Kalam ko bhi yaad karte hain. Koyal App pe na sirf Naats aur Hamd, balkay Manqabat aur Ahl-e-Bait A.S. kay liye likhay gaye kalam bhi moujood hain. Aap Rizwan Zaidi, Salman Ali aur dusre mashhoor manqabat khuwan ki awaazon mein wo kalam sun saktay hain jo Bibi Umm-e-Kulsoom R.A. aur Ahl-e-Bait A.S. ki azmat ko salam pesh kartay hain.
18 Rabi-ul-Awwal ka din roshan tareekh ka eik hissa hai jo humein Bibi Umm-e-Kulsoom R.A. ki wiladat ki yaad dilata hai. Aap ki zindagi eik misaal hai jo hamesha kay liye roshni ka zariya bani rahegi. Is khaas din ki munasibat se aap Koyal App par moujood kalam sun skte hein. Rizwan Zaidi aur Salman Ali kay Bibi Kulsoom R.A. ki shaan mein parhay gaye Kalam sunne kay liye Koyal App download karein aur diye gae links par click karein
Rizwan Zaidi: Umm E Kulsoom
Salman Ali: Bain Kare Kulsoom Tay Zainab
